[.. بينَ أول ِ البوح وآخرهِ مساحةٌ شاسِعة مِنْ حُلمْ وسفر و انتظار ..]


فُسحَة


 
العودة   همسات الليل >

همسـآت الأدبيـة

> المكتبة > كشكول
 

إضافة رد
 
LinkBack أدوات الموضوع انواع عرض الموضوع
قديم 01-15-2007   #1 (permalink)
أسيرة الماضي
إْمَرْآةَ لا تَتَكرْر


 
الصورة الرمزية أسيرة الماضي

أسيرة الماضي غير متصل

بيانات اضافيه [ + ]
 رقم العضوية : 7
 الإنتساب : 1 /05/ 2006
 المشاركات : 6,901 [ + ]
 النقاط : أسيرة الماضي is a splendid one to beholdأسيرة الماضي is a splendid one to beholdأسيرة الماضي is a splendid one to beholdأسيرة الماضي is a splendid one to beholdأسيرة الماضي is a splendid one to beholdأسيرة الماضي is a splendid one to beholdأسيرة الماضي is a splendid one to behold
 تقيم المستوى : 45
 الأوسمة
وسام صخب مميز 
إعلانات :

لوني المفضل : #8F98EB
الإعجاب بالمشاركات
شكر (أرسل): 2
شكر (تلقى): 2
معجب بهذا (أرسل): 6
معجب بهذا (تلقى): 51

الأوسمة


المزاج
يفكر

::؛:: بشروه أني أرحل .. الجزء الثالث عشر ::؛::




\
/
\


بداية أقدم إعتذاري

توقفت عن سرد أحداث قصتنا .. والتي تابعناها سويا بشغف

فأرجوا أن أجد في قلبكم السماح


ثم ,, أتمنى أن لا تكون الأحداث إختفت من ذاكرتكم


سـ أترككم مع أحداث جديدة .. ولحظات نتلهف لمعرفتها



الجزء الثالث عشر:


جراح: شلونج ساره؟
ساره ماقدرت تنطق بأي كلمه وتمت تأمله ... ماكانت متوقعه انها تشوفه مره ثانيه .
.صح انه كان دايما على بالها وانها فقدته بس ماتجرأت تسأل امها عنه...
جراح: عسى ماشر ؟..وينها الوالده؟
ساره تلعثم بكلامها معاه: امي تعبانه شوي و..و تنومت بالمستشفى و..بروحلها الحين
جراح: ماتستاهل ام ساره...تحبين اوصلج؟
ساره: لامشكور ...ماتقصر
جراح: ساره انتي بخير؟ فيج شي؟
ساره: انا الحمدلله بخير...مضطره امشي الحين بغيت شي؟
جراح: أي بغيت اقولج ...اني جراح اللي تعرفينه وعمري ماراح اتغير عليج وشعوري تجاهج مثل ماكان
ساره راحت بسرعه للسياره .....وهي تفكر فيه...معقوله لازال يحبني ؟ معقوله مااثر فيه اللي صارلي
جراح استغرب منها ماهزأته مثل كل مره .....يجوز تغيرت

::::::::::::::::::::::::::::::

فيصل بعد ماسلم على اخته وعيالها وسعد ...ركب سيارته ...
فيصل: متأكده انك مانسيتي شي؟
مها: أي متأكده اخاف انت اللي نسيت شي؟
فيصل: لامانسيت ....مها معك 20 ريال
مها: أي معاي... ليش؟
فيصل: بعطي راعي الدكان متسلف منه ومارجعتله فلوسه ...معاي 100ريال بس هو ماعنده خرده

::::::::::::::


وبعد ساعه تقريبا يوصلون لبيت ام فيصل ..
ام فيصل: لو سمحتي لاتسلمين علي ...انا بشرتي حساسه
مها عصبت من كلامها بس تحملت ....لازم تحمل
فيصل: هههههه ماشالله يمه للحين بشرتك حساسه
ام فيصل: ليه ياحبيبي شايفني مثل بعض الناس نغطي عيوبنا بالمكياج والكريمات ؟
فيصل: ماعلينا من البشره وهالخرابيط .....انا بنزل الاغراض ..وين الخادمه يمه ابيها تساعدني؟
ام فيصل: وليه مالك حرمه تساعدك الا الخادمه يعني ؟
فيصل: يمه مها حامل وماهو زين التعب عليها ...
ام فيصل انصدمت لما سمعت انها حامل بس مابغت تبين : والحامل ماتشتغل ؟ ماعليك منها اكرفها ..
الخادمه موهنا اليوم عطيتها اجازه
فيصل: خلاص مانبغى الخادمه بقوم انزلهم وحدي ..ماابغى مساعده من احد
بس مها ماتحملت تقعد مع ام فيصل بروحهاوقامت تساعد فيصل في نقل الاغراض من السياره للبيت
كانوا ساكنين بالدور الارضي مع ام فيصل ....كانت غرفتهم وحده والحمام قريب منها اما المطبخ اللي كان قريب
من غرفتهم كان مشترك
اول ليله ماقدرت مها تنام حست ان الوضع اختلف كانت تقلب طول الليل على السرير ...
مها: فيصل...انت قاعد والا نايم ؟
كان فيصل نايم على جنبه ومعطيها ظهره: كم الساعه الحين؟
مها: انت مانمت؟.......الساعه الحين ثلاث الا ربع الفجر
نام فيصل على ظهره وتنهد: ياطول الليل
مها: تتوقع كل ليله مثل هالحاله ؟
فيصل: لاانشالله كلها يومين ويتعدل نومك ...دائما الواحد اذا نام بمكان غريب ولاول مره يجفاه النوم
رد فيصل ونام على جنبه ...فكرت مها بكلامه ...معقوله يفكر ان بيت امه مكان غريب ...وبعد تفكير طويل نامت مها
......فتره بسيطه الا وباب الغرفه بينكسر من كثر الطق عليه ..
فيصل: بسم الله الرحمن الرحيم من اللي يضرب الباب بكل هالقوه؟
مها قامت من النوم وهي مفزوعه : مدري ...قوم شوف
ولما فتح الباب لقى امه تضرب بكل قوتها ...
فيصل: يمه الله يهديكي احد يضرب الباب كذا؟
ام فيصل: ابغى فطور ...
فيصل وهو يطالع ساعته : يمه انتي متى صحيتي؟
ام فيصل: من صلاة الفجر وانا صاحيه ...انا كل يوم كذا
فيصل: يمه الساعه اللحين 6 الفجر
الام: وخير ياطير... انا ابغى فطور
فيصل بعصبيه: والخادمه وينهي؟
الام: مسكينه ..ضرسها يعورها ونايمه ماابغى اصحيها ..وينها ست الحسن والجمال ماشبعت نوم من اذان المغرب نايمه ..؟
فيصل: يمه حرام عليكي ...تدرين ان احنا ماخلصنا ترتيب الاغراض الا الساعه 12 وحتى البارحه مارقدنا عدل ..و..
قاطعته الام: وانا وش اسويلها ...خلها تقوم تعملي فطور ابغى اكل مت من الجوع
مها قامت وغسلت وجهها: خلاص فيصل انا بروح اسويلها ..
تضايق فيصل من موقف امه ..مها بنت طيبه وحبوبه ولواي وحده ثانيه مكانها مراح تسكت على اللي صار
مها: خالتي ارتاحي...اقعدي بالصاله وانا اجيبلج الفطور ...
ام فيصل: وليه شايفتني خبله ؟ اكيد تبغين تحطيلي بلى بالاكل ...مايندرى عنك انتي
ماردت عليها مها وشافت ان " الحقران يقطع المصران" .....
مها: خلصت ....تريقي
ام فيصل: وليه تقولينها من دون نفس ؟ تريقي "باستهزاء"
مها: شتبين اقولج يعني ؟
ام فيصل وهي تصرخ عشان يسمعها فيصل: عيب عليكي ياللي ماتعرفين العيب ...انا كبر امك وتقوليلي مثل هالكلام
انتي ماعندك احترام لاحد لو عندك احترام كان ماطولتي لسانك علي ..
صحى فيصل على صوت امه وهي تصارخ بصوت متعمد عشان يسمعها ...وراح للمطبخ
فيصل بتعب وعلى عيونه النوم: يمه وشفيكي؟
ام فيصل: شوف حرمتك اللي ذبحتنا فيها ...طولت لسانها علي وسبتني ...ترضى يافيصل احد يسب امك ترضى .
..تقول عني اني حرمه كبيره ومخرفه وقالت انها ماتحبني ولاتواطني
مها كانت مصدومه من كلامها هذا ثاني يوم لها وصار اللي صار الله يستر من الايام الجايه
فيصل بنفس التعب : وليه يامها تقولي عن امي كذا
ام فيصل: بس هذا اللي قدرت عليه...انت منت برجال لو انك رجال كان ضربتها ...ادبتها
مها: فيصل...والله العظيم ماقلتلها شي ...
فيصل وهو يصارخ : وبعدين معاكم انتم... ترى انا تعبان وراي دوام بعد اقل من ساعتين .
..حرام عليكم مانمت كل الليل ...ترى مايصير كذا .....مها تعالي ...حسابك معي هناك
لحقته مها للغرفه وضحكت درعا على كل اللي صار ....: على هالحال واردى يافصول
فيصل يصرخ: مهما كان هذي امي وماارضى انك تطولين لسانك عليها
مها تحاول تمسك دموعها ماتنزل: والله العظيم ما طولت لساني ...امك تبلى علي
فيصل: يالخايسه ...قصدك ان امي كذابه .....تدرين ان امي مو من طبايعها الكذب الظاهر انك انتي الكذابه
مها وتنزل دموعها: انا خايسه ...هذا مو كلامك ....فيصل حرام عليك حلفتلك بالله .....شتبي اكثر ؟
فيصل: ابيك تحترمين نفسك .... وماتقلين ادبك على امي ...وعقابا لك اقعدي لين الساعه 9 وقعديني على الدوام .
.قدامي ساعه ونص انام فيها والطريق طويل...واذا ما صحيتيني لاتلومين الا نفسك
حط راسه على المخده ونام ......انصدمت مها من كلامه القاسي معقوله تغير....
وبعد ساعه ونص :
مها: فيصل.....فيصل ..الساعه صارت تسع يالله قوم
فيصل مارد عليها ...كان بسابع نومه
مها: فيصل ...فيصل
فيصل دزها بقوه عنه : روحي.... عني... اذلفي...الله مسلطك علي..ياخي خليني ارتاح .
.دوام ماني رايح شعندك ...وشتبغين تسوين ها؟
مها:............
فيصل: تدرين شلون؟... انتي وحده مزعجه ...قومي اطلعي بره ...روحي باللي مايحفظك
وتطلع مها من الغرفه ...قفل فيصل على روحه الباب .....
البيت هدوء ...ام فيصل عقب ماطبخت الطبخه نامت ....وفيصل نام بعد ...الخادمه توها صحت من النوم
ومها عقب كل اللي صار مو مستوعبه ...حطت راسها على الكنبه ..تواسيها دموعها ...وبصعوبه نامت


:::::::::::::::

الكويت: الساعه 2 الظهر

:::::::::::::::

ساره: الحمدلله على سلامتج يمه
الام: والله ياساره ان مافيني الا العافيه بس هالاطبا يبالغون
ساره: اهم شي انج رجعتي سالمه غانمه
الام: ساره ...شفيج ضعفتي اكثر..ليش ماتاكلين ؟
ساره: هههههههه شبي بالمتن ؟ مافيه الا الامراض
الام: ميخالف تغذي...اكلي سلطه وفواكه
ساره: انشالله...والحين بقوم اسويلج عشا
الام:لالالالا ماني مشتهيه
ساره: خلاص بسويلج شوربه ...
الام: على راحتج ...
ساره هالايام كان كل تفكيرها محصور بشخصين ...واحد منهم ممكن يدمر حياتها اللي مابقى منها شي .
..اما الثاني فهو الامل الجديد بحياتها ...مع انها مااهتمت بهالموضوع كثر موضوع خالد ....
وجراح احتار ...بقلبه كلام واجد وده يقوله لها بس ماكان يشوفها ...فقرر انه يكتب لها رساله ويطرشها مع اخته امل لها ....
ساره:منوووووووو؟
امل: انا امل جيرانكم
ساره تفتح الباب: هلا امل بغيتي شي ؟
امل: امي تسلم عليكم وتقول عندكم هيل؟
ساره: أي لحظه شوي..
امل: ساره لحظه ...هاج هذي رساله..والهيل ترى عذر بس عشان اذا سألتج امج ..
ساره: وي ياامول ماتخلين سوالفج.؟...ماقلتيلي هالرساله من منو؟
امل: انا لازم اروح الحين انتي اقري الرساله واعرفي من منو....يالله مع السلامه
ساره: امــــــــــــــــــل والهيل؟
امل: خليه لج انا بروح الحين
دخلت ساره غرفتها وقبل تدخل سألتها امها عن امل ...وقالتلها انها تبي هيل ...يعني مشت عليها
وقعدت تقرى الرساله قبل اسم الكاتب لانها عارفه من منو :
( بسم الله الرحمن الرحيم )
الى الغاليه والعزيزه في حياتي ........ساره
انا اسف لاني لجأت للهطريقه...بس صدقيني مالقيت غيرها ... بس عشان امنعج وامنع نفسي من الاحراج
حبيت اقولج كلام يمكن اكون عاجز اقوله لما اشوفج قبالي ....
ساره... انا عارف كل تفاصيل حياتج ..واحس اني عشت معاج كل لحظه عشتيها .
.عشت الحزن اللي انتي عشتيه وجربت الالم اللي صارلج...بس اعترفلج ..انا جبان .
.جبان لاني عجزت اساعدج ولو بشي بسيط
الانسان مو معصوم من الغلط ...كلنا نغلط وهذا امر وارد في حياتنا...انا بعد غلطت ...
تزوجت بنيه وظلمتها معاي ماقدرت اتحملها لحظه وحده ..حبيتج بكل جوارحي وكل ماحاولتي تبعديني خطوه ..
كنت اتقربلج الف خطوه...وكنت اعتقد انه في يوم من الايام راح يلين قلبج لي ..مادريت ان غيري ملك قلبج وعاش فيه ..
مع هذا مافقدت الامل فيج ...( اللي يحب ياساره يشوف محبوبه ملاك مهما غلط في حقه يتمسك فيه اكثر واكثر) ..
..وانا مو بس حبيتج الا عشقتج ...انا اسف اذا تماديت بس هذي مشاعري ومااقدر اخفيها اكثر كنتي الانسانه اللي تمنيتها
وماانكر اني لازلت اتمناج ...وماابيج تفسرين حبي لج طمع فيج ...لا انا عمري ماشفتج بنظره ماديه...ملكتي قلبي وسكنتي فيه ...كنتي انانيه حتى


بداخلي كنتي انانيه ..ماسمحتي لغيرج يدخل قلبي او حتى يطق بابه...وراحت ايامي ..
.وضاعت سنيني وانا تفكيري كله عندج ...كانوا يقولولي: شتبي فيها؟ هذي مغروره ولايمكن تقبل فيك انت يالفقير المسكين.
..وكنت اوقفهم عند حدهم ومااسمحلهم يتكلمون عليج .....تدرين ليش؟ لاني حبيتج.
..كنت اتهاوش مع اهلي وانام ليالي برى البيت ...تدرين ليش؟ لاني حبيتج...كنت اتعذب في كل يوم عذاب سنه..
.تدرين ليش؟ لاني حبيتج ...كنت وكنت وكنت ...لاني بس حبيتج وانتي قلبج كان قاسي اسمحيلي على هالكلمه
بس فعلا كنتي قاسيه وانانيه وماتحترمين احد ..ولما بغيتي تحبين وطق الحب بابج اخترتي الانسان الغلط وفرغتي عواطفج
بانسان مايستاهل ...انسان استغلج ولعب بعقلج الصغير...ساره انا تعذبت واجد عشانج وتحملت منج كل شي وترى محد
غيري يصبر على المذله اللي كنت اشوفها منج ....ومستعد اتحمل منج اكثر واكثر ...
حبيبتي"ممكن تسمحيلي بهالكلمه" انا سعادتي معاج ...وراحتي بقربج...ابي انسى كل اللي صار معاج وابيج
تنسين كل همومج واحزانج واذا ماقدرتي تنسينها ...ممكن تعطينياها اشيلها بقلبي ...
وبالاخير بطلب منج طلب وابيج تفكرين فيه على راحتج ....
ساره لو تقدمتلج مره ثانيه..تقبليني زوج لج؟؟؟ واعرفي ان رفضج خلاص ماعاد يأثر فيني ..
.لاني احبج والحب زرع نفسه بقلبي ولايمكن اشيله .....
اتمنى اني مااكون ضايقتج اوحتى ضيعت وقتج ......انا بإنتظار الرد
جراح

××××××

تأكدت ساره ان كل كلمه كتبها جراح كانت صادقه وطالعه من قلبه...سكرت الرساله وحضنتها لقلبها ..
.دمعت عيونها...وحست براحه...اول مره تحس بقيمته ...اول مره تحس انه يحبها من كل قلبها..
..اول مره تحس انها كانت انانيه ومغروره ومو مهتمه الا بمشاعرها وبس...
.بعد كل هالاستنتاجات تأكدت من شي واحد بس ....انها لايمكن تورط نفسها بحب ثاني ...ولايمكن تمادى بعلاقاتها...


::::::::::::::::::::

طلع فيصل من الغرفه ..وعقب ماغسل وجهه ...شافها نايمه وشكلها يكسر الخاطر .
.ماكانت متلحفه ولاكان تحتها مخده وكان التكييف بارد...والليتات كانت مفتوحه على حدها .
.اما مها كانت نايمه في سبات عميق وماكانت حاسه بأي شي حواليها من كثر التعب والتفكير باللي حصلها ...
وعلى اليمين كانت ام فيصل تخيط بماكينة الخياطه المزعجه وتطالع التلفزيون اللي صوته كان عالي حيل كل هذا عشان تزعج مها .
..ومن حسن حظ مها ان نومها كان ثقيل...
فيصل: يمه ...الله يهديكي..البنت طايحه هنا من الصبح ومو متغطيه ولا موسده .
الام: والله ياحبيبي ماني مسئوله عنها ..
فيصل وهو يتجه لمها: يايمه مها حسبت بنتك
الام: تخسي بنتي ...والا انت راضيلك باللي عملته معي الصبح ؟
مارد عليها فيصل لانه عارف ان عمره ماراح يقلبها بالكلام ...
فيصل يقعد مها: مها...مها قومي يالله..الساعه صارت ثلاث
مها:.........
فيصل يهزها برفق: يالله عاد قومي كفايه نوم
ام فيصل: شوي شوي عليها ياخويا...تراها حساسه ...اقول مالت عليك انت وياها.
.اروح لام بدر اشرفلي من مجابلك انت وحرمتك العياره
مها قعدت من نومها ووقفت للحمام ...
فيصل يمازحها: ماشبعتي نوم ؟
عطته نظره وكملت طريقها ....ولما طلعت.. راحت للغرفه..وفيصل طلب من الخادمه تسوي فطور ولحق مها
ولقاها تصلي ...ولما خلصت كان فيصل قاعد على السرير ...
فيصل: مها....انا عارف ان اللي حصل البارحه موشويه عليكي..بس صدقيني كل اللي عملته معك امس كان نتيجة
ضغوط مريت فيها ...وماكنت بوعيي..عشان كذا احب اقولك..اسف ..
واذا الاسف مايكفيكي انا من ايدك هذي الى ايدك هذي ..واللي تامرين فيه انا حاضر ..
مها لازالت على السجاده:.......
فيصل: سامحيني..انا ادري اني كنت قاسي معك
مها ماقدرت تقاوم دموعها والغصه اللي بقلبها وانفجرت باكيه: ليش يافيصل؟...ليش تعاملني جذي ليش؟
انا مااقدر اتحمل اكثر احس الشي هذا فوق طاقتي ..احاول اني اسكت وابينلك اني مرتاحه بس لا.
..انا ضعيفه وضعيفه حيل بعد...فيصل انا شخص غير مرغوب فيه عند اهلك ..حتى انت بديت تكرهني وتمل مني ...
تصرفاتك تغيرت معاي ..معاملتك اللي كانت كلها حنيه وحب انتهت .." وبإنكسار ونظره الىالجهول قالت":
من البدايه قلتلك ان كل اللي يصيرلي حلم ..حلم جميل وبينتهي ليش ماصدقتني؟
فيصل:لما شافها سكتت وفرغت كل اللي بداخلها..: مها ..انا احبك.. والله العظيم احبك
مها: انت جبان تدري ليش؟
فيصل:.......
مها: لانك ضعيف مثلي ...توهم بالحب اللي عمره مابيكون له فايده اذا ماعملت فيه ..اذا انت ماسعيت عشان يكبر .
..اذا انت تمسكت بكلمة احبك وبس...بذمتك شستفيد انا اذا قلتلي احبج؟ والله مااستفيد شي..
فيصل انت تبي تقنعني بشي انا مستحيل اقتنع فيه ..يعني كلامك غير وافعالك غير..
فيصل: تدرين...مافهمت شي من كلامك
مها تبتسم بسخريه: لانك ماتعيش المأساة اللي انا اعيشها
فيصل:ومن قالك...انا عشت مأساة اكبر من المأساة اللي انتي عشتيها..مها انتي فقدتي امك وابوكي..
.وهذا بحد ذاته مأساة لكن انتي فقدتيهم وهم يحبونك مايكرهونك ...بس وشقول انا اللي فقدت امي وهي عايشه معي ؟
مها: انت تقدر تصلح كل اللي بينك وبين امك
فيصل: تحسبين المشكله في علاقتي مع امي:انتي؟ لا يامها غلطانه ..المشكله اكبر من كذا ..والله اني كل يوم اتعذب .
..انا مو مرتاح بحياتي صدقيني ...انا بين ناريين مدري ارضي مين والامين ...الهم في قلبي كبير ..
مها اول مره تحس بمدى عمق الجرح اللي بقلب فيصل ...اول مره تحس بآلامه ..يمكن حست من قبل بس هالمره
اكدت لها ان زوجها يعاني ..يعاني من جرح بداخل للحينه مااندمل..حست بمدى تفاهتها..لما تهتم بمشاعرها وبس
..انبها ضميرها بقوه: فيصل بحاجه لج يامها اكثر من حاجتج له ...
مها بحنان: فيصل ..حبيبي ..انا بعد احبك ..وماارضى انك تعيش كل هالحزن وحدك دون ماتشركني معاك.
.خلني اعيش معاك احزانك واتقاسمها ..حملني همك كله وارتاح انت...انا تعودت على الاحزان وخلاص ماعاد يهمني.
.بس انت لا مابيك تألم ..مابيك تحس بالجرح ...انا خلاص لاتشيل همي ..اوعدك اني ماراح اضايقك بشي .
.وامك هي امي صدقني راح اتجنبها قد مااقدر...بس انت المهم ..
فيصل رفع راسه وتأملها : ........
مها: بقوم اسويلك ريوق ..
فيصل: لالاتسوين قلت للخادمه ..
مها: لاوالله...فيصل زوجي الحبيب ياكل من ايد الخادمه وانا موجوده ...لا ياحبيبي ماارضى
فيصل: بس الاكل اللي سوته..حرام ينكب بالزباله؟
مها: يبا شلك بأكل الخادمات اللي ماله طعم ...واكلها هي تاكله
قامت مها من مكانها وحبت راس زوجها ..وراحت تسويله لقمه ياكلها ..
فيصل بقلبه:"الله يخليكي لي..يشهد الله لك بقلبي معزه خاصه وغلا من نوع ثاني"
اكل فيصل وشبع ..وتحمد ربه ..وطلع ...وعند الباب :
سلوى"جيران ام فيصل": هلا ...هلا والله بفيصل ..كيف حالك؟
فيصل بدون نفس: بخير الحمدلله
سلوى: سمعت انك خلاص بتعيش هنا عند امك ..
فيصل: اقول سلوى انا مستعجل وراي شغل ..يالله مع السلامه
وركب فيصل سيارته ومشى ....وتمت سلوى واقفه عند البيت وتطالعه وهو رايح "طيب يافيصل تعرف وشلون تطنشني .
.صارلي سنين احبك ولاحتى عبرتني ..مشكله هالحب ..حتى وهو متزوج احبه"

:::::::::

جراح: تقلبليني زوج لج؟
ساره: الحين انت لاحقني الجمعيه عشان تقولي هالكلام؟
جراح: هذا اسلوبج ماتغير معاي
ساره : ارجوك جراح هذا مكان عام ومايصلح عشان نتكلم بمثل هالمواضيع ..لاتحرجني
جراح: اول مره تنطقين اسمي..
ساره: ......
جراح: مارديتي علي ...اخطبج للمره الالف؟
ضحكت ساره وراحت تحاسب اغراضها ...ورجعت للبيت
عرف جراح من ضحكتها انها موافقه عليه ..ولو ماوافقت جان زفته مثل قبل..
وقال لاهله ...في البدايه ابوه عارض بشده ..حتى امه واخوانه وكل اهله..بس حاول انه يقنعهم بشتى الطرق وبعد اسبوع:
ام جراح: والله ياام ساره اني احب ادخل بالموضوع بسرعه بدون لف ودوران ..
احنا جايين اليوم نخطب بنتك ساره لولدنا جراح ...هاشقلتي؟
ام ساره: والله ياام جراح انتي فاجئتيني بالموضوع هذا..
ام جراح: أي مفاجئات واي خرابيط ياسعاد هذي مو اول مره نخطب ساره ..
ام ساره: ادري يام جراح ..بس..لازم نشاور البنت وابوها بعد
ام جراح: اكيد لازم..وهذا بيتنا قبال بيتكم ..يالله انا اترخص الحين
ولما طلعت ام جراح نادت سعاد بنتها:
ام ساره: تدرين ليش جايه ام جراح؟
ساره: اي ادري..
ام ساره: وانتي شدراج؟
ساره: مو غريبه علي دخلتها هذي ..
ام ساره: وانتي شرايج الحين..؟
ساره: انا مالي راي ..الراي رايج والشور شورج
ام ساره: والله يابنيتي ..اذا تبين الصراحه ..جراح ماينعاف ..كافي انه يحبج وانه شاريج لحد الحين ..
.ياساره انتي خلاص كبرتي الحين ولازم تنسين كل اللي صارلج بالماضي وتعيشين حياتج مع شخص يحبج ومو شرط ان
انتي تحبينه..ياساره الحب صدقيني يجي بعد الزواج...
تقاطعها ساره: هذا انتي وابوي يمه ..ماكنتوا حتى تعرفون بعض قبل الزواج...والحين هذي النهايه ..تطلقتوا
ام ساره: صح ان ماكنا نعرف بعض ..بس الوضع كان مختلف..انا وابوج بدت علاقتنا مبنيه على المشاكل وعدم التفاهم ..اثنينا كنا انانيين
وعدم التفاهم ..اثنينا كنا انانيين ونعاند بعض على اتفه الاسباب ..
تسكت الام وتفكر بأيامها اللي قضتها مع ابو ساره ....وحست ساره بضيق امها..
ساره: يمه انا اسفه اذا كنت ذكرتج بشي موزين انتي ناسيته ...بس صدقيني من كنت صغيره وهذا السؤال يدور براسي:"انتم ليش تطلقتوا؟" ..
ام ساره: اسباب كثيره وهذا مو وقته ....ها شقلتي؟ ساره انتي الحين صرتي كبيره عمرج صار 20 سنه.
.وماله داعي سوالف المستحى...
ساره: وابـــــــوي؟
ام ساره: شفيه ابوج بعد؟
ساره: لازم انشاوره..
ام ساره: هاتي التلفون... اتصل عليه واقوله.. وجيبي معاج النوته اللي على الطاوله
وبعد الاتصال:
ساره: ها يمه بشري شقال؟
ام ساره: شيقول بعد؟ قال: مالي خص فيكم واللي تبونه سووه
وفي الحقيقه ابو ساره قال كلام اكبر من جذي بس ام ساره ماحبت تجرح بنتها فوق جروحها ...
راحت ام ساره المطبخ...اما ساره قعدت تطالع التلفزيون ....رن التلفون
ساره: الووووووو
خالد: هلا ....هلا بهالصوت اللي رجع فيني الحياة من جديد
ساره: ردينااااا
خالد: تعالي...انا انطرج الحين
ساره: احترم نفسك ياقليل الادب وشوف مع منو قاعد تكلم؟..
خالد: منو اكلم يعني؟ وحده خايسه لاعندها اخلاق ولا احترام لاحد باعت اغلى شي تملكه لواحد حقير مثلها
ساره: خالد ارجوك...خلاص انا حتى ماعاد باقي فيني بقايا....ارجوك اتركني ...انساني
خالد: مستحيل حياتي مستحيل
ساره صرخت عليه:شتبيييييييي؟؟؟؟؟؟؟
خالد بلهجه عصبيه: لاتكلميني جذي...قلتلج اللي ابيه ...وباجر ورى المغرب بكون بالمواقف اللي ورى الجمعيه
واذا ماجيتي...والله ياساره لاتلومين الا نفسج ....ولاتنسين الشريط ...تذكرينه..
ترى للحين احتفظ فيه واشوفه كل يوم......لاتنسين الموعد..
وسكر التلفون بوجهها ....ماتقدر تسوي شي مني لي باجر الوقت قصير ...
واخيرا قررت قرار ماكانت تفكر فيه من قبل ....حست ان هذا القرار ممكن ينقذها من اللي هي فيه...



:::

انتهت أحداث فصلنا ولم تنتهي قصتنا بعد


مها 00 وفيصل >>>الى بيت درعة كانت وجهتهم

مكائد بدأت تحيكها ومخططات شرعت في تنفيذها للتفريق بين مها وفيصل

صباح ثقيل مر عليهما 00 ما رأيكم فيما حدث ؟؟!!

لأول مرة الدموع رافقت قلب المحبين وحوار ساخن دار بينهما

وجرح عميق يتغلغل قلب فيصل

00 مها أثبتت أنها زوجة رااائعة تناست حزنها وبدأت تخفف وتحمل أحزان زوجها 00

مارأيكم بما حدث ؟؟

::

رسالة من محب 00 وصلت سارة

مضمون غريب حمل ماضيا .. حبا ..جرحا .. حزنا

حركة جريئة من جراح .. ذكرتني بأفعال المراهقين

ولكن جراح لم يكن مراهقا .. ما رأيكم ؟؟؟


وللمرة الألف سوف يخطبها 00

كأن السعادة بدأت تلوح في الأفق يا سارة >> أتمنى أن تدوم سعادتك

غصة كانت في قلب أم سارة 00 وسبب طلاقها وأحداث مازالت تخفيها

آآآآه ياسارة

لم تكتمل فرحتك فسرعان ما جاءها شبح الماضي يذكرك بمأساتك

وأخيرا 000 قررت ,, ترى ما قرارها والى أين سيأخذها ؟؟!!


::

سلوى >>> شخصية جديدة

حب تخفيه لفيصل 00 هل سيكون لها دور في قصتنا ؟؟!!



::::

وابل من الأسئلة طرحته هنا

ولكن الأحداث أجبرتني

في انتظاركم وانتظار تحليلاتكم التي افتقدتها


دمتم بخير


\
/
\

الفرح بكم يلتقي و تعليقاتكم عبر الفييسبوك



 
توقيع : أسيرة الماضي





أشجارُ بلادي تحْتَرِفُ الخُضرة

وأنا أحتَرِفُ الذِّكرى..!


رد مع اقتباس
قديم 01-15-2007   #2 (permalink)
حنين الذكريات


 
الصورة الرمزية حنين الذكريات

حنين الذكريات غير متصل

بيانات اضافيه [ + ]
 رقم العضوية : 515
 الإنتساب : 28 /11/ 2006
 الإقآمة : فوووق " النجووم " !!
 الجنس : Weman
 المشاركات : 466 [ + ]
 النقاط : حنين الذكريات تميز جديد
 تقيم المستوى : 23
إعلانات :

لوني المفضل : #8F98EB
الإعجاب بالمشاركات
شكر (أرسل): 0
شكر (تلقى): 0
معجب بهذا (أرسل): 0
معجب بهذا (تلقى): 0

..............اسيرة المااااضي : بشو بدي احلفلك انو دموعي نزلت وانا عم بقرا هلاحداااث ......يا ستي انا بعترفلك بشي : اسمي الحقيقي : سارة _ اه انا اسمي سارة مكنية بحنين الذكريات _ كل كلمة كنتي تحكيها عن هالبنت كانت بتوجعني من جواااااااااااااا ..........وجراح : ههههههه ( ازا لقيتي بيوم من هالايام تعالي عندي انتي وايااااااه ) ............لو بايدي شو ما اعمل لحتى اشكرك على هالقصة واحداثها هالمرة ما بقصر ........والله اعزريني كلماتي للشكر ناااااااقصة .......اجيت قرات قصتي واحداثها وحتى اسمي الحقيقي المكتوب فيها وطلعت ............ما تركت شي للااااااااسف .........مني وعلي بستنى المرة الجاي لاعرف قدري وين حيوصل ؟..؟!!..! بستناااااكي ( امانة لا تتاخري )


حنين الذكرياااااااااااااااات


 
توقيع : حنين الذكريات



غني لقلب

مشتااااااااااااااق ناطر ع " نار " غني لحلم ع " وراق " بعدو ما

صااار ... غني لأيلول والفراق ياخد قرار ... غنيلي غني غنيلي !!!

!!


رد مع اقتباس
قديم 01-15-2007   #3 (permalink)
أسيرة الماضي
إْمَرْآةَ لا تَتَكرْر


 
الصورة الرمزية أسيرة الماضي

أسيرة الماضي غير متصل

بيانات اضافيه [ + ]
 رقم العضوية : 7
 الإنتساب : 1 /05/ 2006
 المشاركات : 6,901 [ + ]
 النقاط : أسيرة الماضي is a splendid one to beholdأسيرة الماضي is a splendid one to beholdأسيرة الماضي is a splendid one to beholdأسيرة الماضي is a splendid one to beholdأسيرة الماضي is a splendid one to beholdأسيرة الماضي is a splendid one to beholdأسيرة الماضي is a splendid one to behold
 تقيم المستوى : 45
إعلانات :

لوني المفضل : #8F98EB
الإعجاب بالمشاركات
شكر (أرسل): 2
شكر (تلقى): 2
معجب بهذا (أرسل): 6
معجب بهذا (تلقى): 51

الأوسمة


المزاج
يفكر



::

أختي الغالية


حنين الذكريات

أسعدني مرورك وتواجدك بين أحداث قصتي


أتمنى أن لا تكون حياتك كـ سارة أتمنى لكِ الأفضل

كوني بـ خير


أتمنى أن تتابعي القصة

لتعلمي ما سيحل بـ سارة

ولتعلمي أنك أفضل حالا منها

أما جراح عزيزتي

قد نقول نادر ,, لكن أبحثي حولك ستجديه

وان لم يكن بجوارك فهو يبحث عنك


تفاءلي

لكِ مني تحية خاصة معطرة بورود جورية


أسيرة الماضي

::


 

رد مع اقتباس
قديم 01-17-2007   #4 (permalink)
مصطفي
مايكبرني لقب بلون مميز


 
الصورة الرمزية مصطفي

مصطفي غير متصل

بيانات اضافيه [ + ]
 رقم العضوية : 5
 الإنتساب : 1 /05/ 2006
 الإقآمة : في قلبها الصغير
 الجنس : ذكر
 المشاركات : 11,128 [ + ]
 النقاط : مصطفي عضو التميزمصطفي عضو التميزمصطفي عضو التميز
 تقيم المستوى : 48
إعلانات :

لوني المفضل : #8F98EB
الإعجاب بالمشاركات
شكر (أرسل): 0
شكر (تلقى): 0
معجب بهذا (أرسل): 0
معجب بهذا (تلقى): 1


كل الشكر لكٍ علي الجزء الثالث عشر

لأ تتأخري


 

رد مع اقتباس
قديم 01-17-2007   #5 (permalink)
LAMOUR
القلعة


 
الصورة الرمزية LAMOUR

LAMOUR غير متصل

بيانات اضافيه [ + ]
 رقم العضوية : 10
 الإنتساب : 2 /05/ 2006
 الإقآمة : بين طيات الأمل
 الجنس : ذكر
 المشاركات : 4,271 [ + ]
 النقاط : LAMOUR عضو ستايلLAMOUR عضو ستايلLAMOUR عضو ستايلLAMOUR عضو ستايلLAMOUR عضو ستايل
 تقيم المستوى : 36
إعلانات :

لوني المفضل : #8F98EB
الإعجاب بالمشاركات
شكر (أرسل): 1
شكر (تلقى): 9
معجب بهذا (أرسل): 0
معجب بهذا (تلقى): 85

اسيرة مشكورة ويعطيكي الف عافية


 
توقيع : LAMOUR

تم النقل

جاري التحديث والانتهاء




رد مع اقتباس
قديم 01-17-2007   #6 (permalink)
أسيرة الماضي
إْمَرْآةَ لا تَتَكرْر


 
الصورة الرمزية أسيرة الماضي

أسيرة الماضي غير متصل

بيانات اضافيه [ + ]
 رقم العضوية : 7
 الإنتساب : 1 /05/ 2006
 المشاركات : 6,901 [ + ]
 النقاط : أسيرة الماضي is a splendid one to beholdأسيرة الماضي is a splendid one to beholdأسيرة الماضي is a splendid one to beholdأسيرة الماضي is a splendid one to beholdأسيرة الماضي is a splendid one to beholdأسيرة الماضي is a splendid one to beholdأسيرة الماضي is a splendid one to behold
 تقيم المستوى : 45
إعلانات :

لوني المفضل : #8F98EB
الإعجاب بالمشاركات
شكر (أرسل): 2
شكر (تلقى): 2
معجب بهذا (أرسل): 6
معجب بهذا (تلقى): 51

الأوسمة


المزاج
يفكر



::

المشاغب ,, مونامور

أسعدني حضوركم

والشكر لكما

دمتما بـ خير


::


 

رد مع اقتباس
قديم 01-27-2007   #7 (permalink)
عَلِي نَايِف


 
الصورة الرمزية عَلِي نَايِف

عَلِي نَايِف غير متصل

بيانات اضافيه [ + ]
 رقم العضوية : 4
 الإنتساب : 1 /05/ 2006
 الإقآمة : قَاَبَ مَوْتٍ أَوْ أَفْنَىَ.!‘
 الجنس : ذكر
 المشاركات : 15,436 [ + ]
 النقاط : عَلِي نَايِف عضو فريد من نوعهعَلِي نَايِف عضو فريد من نوعهعَلِي نَايِف عضو فريد من نوعهعَلِي نَايِف عضو فريد من نوعهعَلِي نَايِف عضو فريد من نوعهعَلِي نَايِف عضو فريد من نوعهعَلِي نَايِف عضو فريد من نوعهعَلِي نَايِف عضو فريد من نوعهعَلِي نَايِف عضو فريد من نوعه
 تقيم المستوى : 66
إعلانات :

لوني المفضل : #8F98EB
الإعجاب بالمشاركات
شكر (أرسل): 0
شكر (تلقى): 2
معجب بهذا (أرسل): 7
معجب بهذا (تلقى): 118

::

امممممممم

الجزء الثالث عشر

يضمن أحداث عديدة

،،
بخصوص الليلة الأولي ستكون تشبة الليالي القادمة

والمشاكل متكررة وبشكل متزايد

،،،
،،
،

بما يخص دموع المحابين لا حُب بلا دموع أو أحزان

الحُب مزيج يجمع كافة المشاعر وهذا ما حدث مع فيص ومها


،،،
،،
،

مضمون الرساله يشير للمراهقة فى الحُب

ولكن جراح مدمن على حُب سارة و متمسك بها

ويريد جمع الشمل بها

الحُب يخلق من الآمور المستحلية لتكون ممكنهٌ بغض النظر عن عمر المحابين


،،،
،،
،

سلوي سيكون لها دور كبير فى الأجزاء القادمةَ

بما آنها تخفي حباً كبيراً لـِ فيصل ..

طبعاً سيكون دور سلوي بمعرفة أم فيصل

التي تريد أن تكيد مها بأي طريقة حتي لو كانت تتدمر حياةَ آبنها فيصل

،،،
،،
،

أسيرة الماضي

آحادث كثيرة هُنا فى الجزء الثالث العشر !!

دوماً مميزة جداً فى عرضكِ لـ آحداث الجزء

بـ ِ إنتظار الجزء القادم

لا تتأخري علينا

كوني بـِ خير

::


 

رد مع اقتباس
إضافة رد

العلامات المرجعية


يتصفح الموضوع حالياً : 1 (0 عضو و 1 ضيف)
 
أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
لعنة جورجيت zeko كشكول 33 03-21-2008 01:52

Facebook Comments by: ABDU_GO - شركة الإبداع الرقمية

الساعة الآن: 04:38


Powered by vBulletin 

sitemap


HêĽм √ 3.1 BY: ! ωαнαм ! © 2010